Aðgát skal höfð í nærveru sálar

Jæja gott fólk,en einu sinni  loga fjölmiðlar og fésbókin í illdeilum og núna vegna meintra brota Gunnars Þorsteinssonar gegn nokkrum konum þar sem þær  saka hann um kynferðislegt áreiti.Ekki ætla ég að leggja mat á það hvað er rangt eða rétt í þessum málum , en mér fynnst alveg með ólíkindum hvernig fólk getur látið og hvað það skrifar um þetta allt saman. Þetta er eins og hanaat þar sem fólk skiptist í fylkingar og keppist lýsa yfir stuðningi við þann hanann sem það heldur með og reynir að hafa sem ljótust orð um andstæðinginn. Gott fólk  hafið það hugfast að bak við þetta allt er fólk eins og þið og teljið upp að tíu áður en þið látið gamminn geysa á ritvellinum

Urðu jólasveinarnir til í kreppu???

Íslenskir jólasveinar og mínar hugmyndir um þau nöfn sem þessi guðsvolaða þjóð klíndi á menn sem  voru af af misjöfnu sauðahúsi og misjafnlega þokkaðir af þjóð vorri, en þetta er jú þjóð útrásarvíkinganna og hlýtur maður þá að velta fyrir sér merkingu orðsins víkingur og hvot við ættum þá frekar að tala um jólavíkinga. Skulum við þá skoða aðeins nöfnin á þessum víkingum og merkingu þeirra.Stekkjastaur og Stúfur hafa að mínu viti verið fatlaðir einstaklingar sem hafa sennilega kalið í þeim fimbulkulda sem ríkti í hýbílum Íslendinga hér fyrr á árum og misst hluta af fæti og var upplagt að uppnefna þá eftir það.Giljagaur: Hvað er það sem menn eru að tala um þegar einhver segist hafa giljað og af hverju er talað um gaura t.d þetta er nú meiri gaurinn ég læt hvern og einn um að svara fyrir sig.Þvörusleikir, Askasleikir og Pottaskefill: Þegar þessi nöfn eru skoðuð lætur maður hugann reika aftur til þess tíma þegar eldunaraðstaða var með þeim hætti að hlóðir voru notaðar innan dyra og ekki sást handaskil fyri reyk frá bæði hlóðum og mat sem var verið að sjóða, við þessar aðstæður gátu niðursettningar eða jafnvel kroppinbakar á borð við hringjarann í Norte Dam auðveldlega krækt sér í matarbita svo lítið bar á en þetta fólk var gjarnan að þvælast þar sem mat var að hafa.Bjúgnakrækir, Skyrgámur og Kjetkrókur: Þetta voru undirmálsmenn sem þurftu að stela sér til matar, en þá var ekki nein hjálparstofnun sem þú gast farið í röð hjá.Gluggagægir og Gáttaþefur: Já flestu má nú nafn gefa þegar menn eru komnir á það stig að vera kíkjandi á glugga og  þefandi eins og hundar milli hurðar og stafs, þurfa þeir þá ekki að leita til sálfræðings ég bara spyr. Hurðaskellir: Þetta er bara skaphundur sem lætur eins og fífl og kann ekki almenna mannasiðiKertasníkir: Þetta heitir á íslensku bara að betla og vera hógvær í þeirri grein með því að biðja bara um smá birtugjafa í tilveruna.